上面果篇《陋室銘》，係小弟讀小學三年級果陣，俾國文老師挾住日背夜背，背到依家都幾十年之後，仲可以背得出嘅一篇古文嚟。
咁唐朝呀劉生就有間《陋室》威威啫，咁小弟依間所謂《居英陋室》，又係乜料嚟咁呀？
咁唐朝呀劉生就有間《陋室》威威啫，咁小弟依間所謂《居英陋室》，又係乜料嚟咁呀？
呢嗱！依間所謂乜 《居英陋室》呢，借劉生個朵嚟作到咁大，查實就係响英國「老人居所計劃」 Sheltered Housing Scheme for the Elderlies 之下，倫敦其中一個老人屋邨入面嘅一個「一房單位」 one bedroom apartment ，係小弟依家一枝弓吊吊 fing 咁，住緊响入面嘅一間狗竇嚟啫。
係！無錯！雖然《居英陋室》衹不過係舊屋一間，本身平平無奇，真係無乜料到。之不過咯喎， 正所謂
「琴詩雙絕倚天一劍，獨來獨往江湖俠客，濯足香江飲馬英倫，忽隱忽現世外高人 」
「雨過琴書潤，風來翰墨香」
果一隻脫俗出塵，羽化登仙嘅幽雅境界嚟嘞！而網友衹花費微薄嘅價錢，亦可以响旅英期間暫時入嚟住吓，分享一下《居英陋室》果種逸士雅室，几淨窗明嘅優美環境，真係物超所值，有錢都買唔到嫁！
《居英陋室》座落於 Roehampton 區，响倫敦嘅西南一角，距離希斯路機場 14 英哩，距離市中心嘅唐人街就係 8 英哩
《居英陋室》最近果個地鐵站叫 Southfields，响倫敦地鐵圖嘅位置係 E-3。
London Tube Map
http://www.tfl.gov.uk/assets/downloads/standard-tube-map.pdf
小弟一般會揸車接送網友到 Southfields 地鐵站，但係如果唔得閑，網友就要自己搭多幾個站 493 號巴士往返嘞。
《居英陋室》位於倫敦市嘅 Roehampton 區， 街口對到正倫敦歷史悠久嘅《瑪麗醫院》Queen Mary's Hospital ( 喂！唔係薄扶林道果間喎 )，街尾係寬廣翠綠嘅 Roehampton Golf Course 同埋全倫敦最巨型嘅公園 Richmond Park ( 裡面有野生嘅 red and fallow deer 鹿群 ) :
《居英陋室》係自置物業，本身係一個 3 層高，15 伙小型老人屋邨嘅地下單位，屬於典型傳統磚木結構 Brick and Block 嘅英式平房，不單止响前花園有獨立前門，無需出入屋邨大堂，個廳仲有度後門出入後花園添。《居英陋室》不但裡面 self-contained ，咩嘢都有，廳廚房廁，一應俱全，前後花園裡面仲綠草如茵，湯碗咁大朵嘅紅玫瑰爭相盛放，再加上三兩隻松鼠仔跳來跳去，六七 pair 開籠雀一唱一和，環境真係非常之咁優美。網友响度住佢三五七日，就可以悠悠然，他他條咁享受到傳统、地道同埋正宗，鳥語花香嘅英式家居生活之樂，絕非繁雜市區酒店裡面嘅白鴿籠房間有得揮嫁。
內有一廳 (12' 6" x 11' 2") :
一房 (12' 11" x 8' 11") :
一房 (12' 11" x 8' 11") :
後花園出面係停車場，停車場出面就係屋邨大馬路嘅入口，行前門反而要多段路兜個彎，所以細佬一向貪方便，捨前門而用後門出入《居英陋室》嘞。
《居英陋室》提供住宿同埋運輸嘅一條龍全面旅遊報務。除咗經營《居英陋室》，小弟亦都係倫敦一間 Travel Agent 嘅 free lance tourist guide，所以兼埋做專職司機同導遊都無問題。另外除咗倫敦本市導遊之外，鄰近地區如 Windsor Castle、Oxford、Cambridge、bath、或者 Brighton 嘅 one day trips 都有得針，總之萬事都有商量，不妨大家傾吓。
運輸方面首先就係「包機場接送」，由接機大堂恭候直送《居英陋室》。網友唔駛响機場度人生路不熟，盲鐘鐘咁嘥時間自己慢慢摸入市區揾酒店，最適合果 D 鐘意自助遊，但係又唔想自己攪咁多野，又或者有老人家細佬哥，行動唔多方便嘅網友。小弟揸嘅車係 Toyota 真皮座位，同埋裝有 GPS 衛星導航儀嘅環保混燃豪華房車 Prius，絕對大方得體唔失禮。除咗機場接送之外，小弟一般會每日揸車接送網友到最近《居英陋室》嘅 Southfields 地鐵站轉車出入市區，但係如果小弟唔得閑，網友就要自己搭多幾個站 493 號巴士嘞。
住宿方面除咗睡房裡面除咗一張雙人床，仲有多一張單人床，可以俾 3 個網友响房裡面一齊瞓。膳食方面除咗「包基本嘅早餐」，即係腿蛋即食麵或米粉、啡、茶或汽水之外，仲提供「完備嘅廚房設施」俾網友自己煮野食，小弟可以揸車接送至最近嘅大形超市 ASDA 買餸買料。倫敦嘅餐廳價錢好貴，慳錢嘅網友亦可以整定 lunch box 第日食。英國嘅商店好早收鋪，唔鐘意夜遊嘅網友可以返嚟煮野食，上吓網，吹完水就早 D 抖。
除咗住宿同膳食之外，《居英陋室》仲免費包埋「無線寬頻上網」同埋「即日洗衣乾衣」嘅額外服務添，可以話認真超值，逐樣計都抵。
網友夜晚返房之後，小弟就會閂埋廳門，將間屋分一為二，等網友嘅房廁一體化，自成一國 ( 見圖 )。小弟自己就响廳或者廚房瞓摺床，晚睡早起，唔會影響到網友嘅休息。日頭亦都係各有各，網友用鎖匙由前門出入，小弟就用鎖匙由後門出入。
《居英陋室》係典型嘅英式住宅，所以嚟《居英陋室》住宿，就係响倫敦享受正宗地道嘅英國家居生活，唔係市面一般 B&B 或者酒店嘅行貨有得揮。之不過由於《居英陋室》基本上係一個老人屋邨單位，所以切忌追逐嘻戲，滋事喧嘩，影響到鄰居。
Email : ckwonguk@googlemail.com
房租每晚 £40
市內專車接送 £1 一英哩
One day trips 司機/導遊 另議
C K Wong *居英妙筆* : http://ckwonguk.blogspot.com/
C K Wong *居英琴影* : http://ckwongukpiano.blogspot.com/
短片網址 : http://www.youtube.com/ckwongukvideos
